Search

Originally considered to act as a transcriptional co‑factor, Pirin has recently been reported to play a role in tumorigenesis and the malignant progression of many tumors. Here, we have analyzed the diagnostic and prognostic value of Pirin expression in the early stages of melanoma, and its role in the biology of melanocytic cells. Pirin expression was analyzed in a total of 314 melanoma biopsies, correlating this feature with the patient’s clinical course. Moreover, PIR downregulated primary melanocytes were analyzed by RNA sequencing, and the data obtained were validated in human melanoma cell lines overexpressing PIR by functional assays. The immunohistochemistry multivariate analysis revealed that early melanomas with stronger Pirin expression were more than twice as likely to develop metastases during the follow‑up. Transcriptome analysis of PIR downregulated melanocytes showed a dampening of genes involved in the G1/S transition, cell proliferation, and cell migration. In addition, an in silico approach predicted that JARID1B as a potential transcriptional regulator that lies between PIR and its downstream modulated genes, which was corroborated by co‑transfection experiments and functional analysis. Together, the data obtained indicated that Pirin could be a useful marker for the metastatic progression of melanoma and that it participates in the proliferation of melanoma cells by regulating the slow‑cycling JARID1B gene. This project was supported by grants from the Basque Government (KK2017-041 and KK2020-00069 to M.D.B.), the UPV/EHU (GIU17/066 to M.D.B.), H2020-ESCEL JTI (15/01 to M.D.B.) and MINECO (PCIN-2015-241 to M.D.B.). CP holds a predoctoral fellowship from the Basque Government. Part of this project is under European patent No. EP3051291 (EP14796149.4): “Method for diagnosis and prognosis of cutaneous melanoma”, Univer- sity of the Basque Country (UPV/EHU). The authors acknowledge the technical support SGIker resources at the UPV/EHU for the computational calculations, which were carried out in the Arina Informatics Cluster. The authors are grateful to the Basque Biobank for providing the biopsy samples and in particular, to María Jesús Fernández and Arantza Perez Dobaran for their technical support with the immunohistochemistry.

296 p. Epigenetikak, kanpo faktoreek edo inguruneak norbanakoan izan dezaketen eragina aztertzen du. Azken urteetan, zenbait ikerketek erakutsi dutenez, inguruneak eragin zuzena izan dezake norbanako helduaren ezaugarri fisiologikoetan. Hala ere, kanpo faktoreek umekian eta garapen goiztiarrean izan dezaketen eraginari buruz, ezer gutxi deskribatu da. Geneen adierazpenarekin duten elkarteratzea dela eta, histonen aldaketak informazio epigenetikoaren eragile nagusien artean aurkitzen ditugu, eta memoria epigenetikoan paper garrantzitsua izan dezaketela iradoki da. Hala ere, naiz eta histonen aldaketa espezifikoek transkripzio egoerekin erlazioa duten, epe luzean zehar mantendu daitekeen herentziaren mekanismoa ez da oraindik ere argitu.Hau guztia aztertzeko eta kanpo estimulu eredu bezala morfina erabiliz, bigarren belaunaldiko sekuentziazio teknikak erabili dira kromatina eta transkriptomika analisiak burutzeko. Bertatik H3K27me3 marka epigenetiko errepresiogilearen desdoitze orokor bat hauteman dugu, epe luzeko geneen adierazpen aldaketak sortuz, saguen ama zelula enbrionikoetan. Zehazki morfinaren tratamendu kronikoak eragindako efektua CpG irletan ugariak diren sustatzaileetan, inpronta genomikodun geneen metilazioaren erregulazio eremuetan, lncRNA-etan eta elementu errepikakorretan aurkitu ditugu. Aipatzekoa da, H3K27me3-ren eta bere erregulazio konplexuaren (Polycomb repressive complex 2 edo PRC2), auto erregulazio mekanismo bat identifikatu dugula morfinaren presentzian. Horrez gain, morfinak eragindako H3K27me3-ko aldaketek bi gene espezifikotan sortzen dituen adierazpen aldaketak sakonago aztertu ditugu, Bmp4 eta Smchd1 hurrenez hurren, hauek parte hartzen duten prozesuak guztiz eraldatzen direla aurkituz. Bmp4 enbrioi goiztiarren garapenean eta jatorrizko hozi zelulen sorreran parte hartzen duen hazkuntza faktorea da eta morfinaren ondorioz, bi prozesu horien azkartzea eragiten dela hauteman dugu. Bestalde, Smchd1, X kromosomaren inaktibazioaren mantentze lanetan haritzen da eta gure sisteman morfinaren eraginez erreprimituta aurkitu dugu X kromosomaren birraktibazioa azkartuz.Doktoretza tesi honetan lortutako emaitza hauek, kanpo faktoreek sortutako zelulen arteko memoria epigenetikoaren mekanismo molekularrei buruzko informazio baliagarriaz hornitzen gaituzte, belaunaldiz belaunaldiko oinordekotza epigenetikoa ulertzeko oinarri gisa. Hori dela eta, ezagutza hori heredatu daitezkeen aldaketa epigenetikoen identifikaziorako baliagarria litzateke etorkizunean.

255 p. Zelulen patroi epigenetikoak haien fisiologia zehazten du, eta organismo baten garapenean zehar zelula bakoitzak duen patroi espezifikoak haren diferentziazioa bideratzen du, organismo osoaren garapen egokia bat koordinatuz. Hala ere, inguruneak eta bizi estiloak eragin kaltegarriak eragin ditzake norbanakoengan, zelulen fisiologia zehazten duen patroi epigenetikoan eraginez. Biomedikuntzak egun duen erronka handienetariko bat inguruneak edota kanpo faktoreek eragindako aldaketa epigenetikoek sortu ditzaketen osasun arazoen edo gaixotasunen atzean dauden mekanismo molekularrak ulertzea da. Bestalde, aldaketa fisiologiko horiek eragiten dituzten marka epigenetikoak denboran zehar mantendu daitezkeela ikusi da. Beraz, kanpo faktore horiekin kontaktu zuzena izan duten bizidunek eragin nabarmenak pairatzeaz gain, denbora zehar mantentzen dituzte memoria zelularra baimentzen duten mekanismoen bidez, eta horrez gain, eragin horien belaunaldiz belaunaldiko herentzia bat ere eman daitekeela ziurtatzen dituzten zantzuak geroz eta ugariagoak dira.Aurrekari horiek kontuan hartuta, doktore-tesi honen helburu nagusia morfinak eragin ditzakeen aldaketa epigenetiko nagusiak identifikatu, eta horiek zelulen edota organismo bizidun konplexuen fisiologian eragin ditzakeen aldaketak aztertzea izan da. Aldaketa fisiologiko horiek eragiten dituzten mekanismo epigenetiko ezberdinak badaude ere, kasu honetan DNAren metilazioan zentratu gara, eta Bigarren Belaunaldiko Sekuentziazio teknikak erabili ditugu metiloma aztertzeko helburuarekin. Ikerketa lan honek, besteak beste, memoria epigenetikoaren atzean dauden mekanismoak aztertzeko aukera eskaini digu. Morfinak asaldurak sortzen ditu birprogramazio epigenetikoan funtsezko prozesua den X kromosomaren inaktibazioan, eta gainera, asaldura horiek mantentzeko eta heredatzeko potentzialtasuna dutenez, morfinak eragindako zelularteko memoriaren azpian dauden mekanismo epigenetikoak ikertu ditugu. Horrez gain, birprogramazioaren helburu nagusia den eta zelula amen bereizgarria den pluripotentzia indartua geratzen dela frogatu dugu morfinaren presentzian, horretarako ezinbestekoak diren zenbait prozesu molekular bultzatuz; transkripzio faktore garrantzitsuen adierazpena doiketa, genomaren estatus epigenetikoa murrizketa, eta X kromosoma egoera aktiboaren mantenua. Horrek, morfinaren erabilpenak zelulen fisiologian izan ditzakeen ondorioetan are gehiago sakontzeko aukera eskaini digu, aurrerapauso interesgarriak gauzatuz enbrioiaren garapen-prozesuaren ezagutzan.

[EU] Sarrera: COVID-19 gaixotasuna osasun publikoko emergentzia bilakatu da bere ezaugarri klinikoak direla eta. Gertakari honek, inpaktu sozial eta psikologikoa izan du mundu osoko osasun profesionalengan, zeintzuk lehenengo lerroan lan egin duten infektatutako pazienteekin. Honek guztiak, osasun profesionalak infektatzeko arrisku altua izatea eragin du eta ondorioz, langile horietan afekzio mentalak sufritzeko aukerak handitu egin dira. Horregatik, aproposak diren estrategiak erabiltzea funtsezkoa da, pandemiak osasun mentalean duen inpaktu negatiboa saihesteko. Helburua: Lan honetan bi helburu planteatu dira: COVID-19 pandemiak osasun profesionalen (bereziki erizainen) osasun mentalean izan duen inpaktua identifikatzea eta arazo mental horiei aurre egiteko dauden interbentzio edo estrategia posibleak deskribatzea. Metodologia: Berrikuspen bibliografikoa gauzatzeko bilaketa bibliografikoa 2021eko urria eta abendua bitartean eraman zen aurrera PubMed, Scopus eta Biblioteca Virtual de Salud datu baseak erabilita. Barneratze- eta kanporatze-irizpideak ezarri ziren, iragaz filtroekin batera, helburuetara egokitutako artikuluak lortzeko. Emaitzak: Orotara 10 artikulu aukeratu ziren, zeintzuetan erizainek lagin guztien artean %76.7 inguru osatzen zuten. Arazo mentalen prebalentzia totala %65.1 izan zen angustiarentzat, %43.2 depresioarentzat, %40.3 antsietatearentzat, %34.3 estresarentzat eta %29.6 insomnioarentzat. Emaitzek gainera erakutsi zuten emakumeak, erizainak eta lehenengo lerroko profesionalak zirela gaixotasun mentalak garatzeko arrisku gehien zutenak. Bestalde, aztertu ziren interbentzio eta aurre egite estrategiak, baliagarriak izan ziren asaldura mentalen intzidentzia murrizteko (p

[EU] Sarrera: Prozedura kardiako kirurgikoen areagotzeak eta praktika klinikoaren efizientziaren premiak arreta kardiakorako estrategia azkar eta seguruen ezarpena suposatu du. Hori dela eta, gaur egun “fast-track” protokoloak sortu eta erabiltzen dira, pazientearen errekuperazio goiztiarra helburu izanik. Ikusi da protokolo hauek pazienteek bentilazio mekanikoa jasaten igarotzen duten denbora murrizten dutela. Honekin batera, ikerketa berriek extubazio goiztiarrak ebakuntza osteko konplikazioen kopurua nabarmen murrizten duela ondorioztatu dute. Hala ere, protokolo hauek ezberdinak dira osasun zentro bakoitzean eta ondorioz, extubazio goiztiarra aurrera eramateko moduak ezberdinak dira. Hori horrela, prozedura honen estandarizazio eta protokolizazioa ezinbestekoa da. Helburua: Ebakuntza kardiakoak jasan eta gero, extubazio goiztiarraren ondorioz adin nagusiko pazienteek pairatutako konplikazioak eta onurak ezagutzea, eta horrekin batera, extubazio goiztiarra burutzeko denbora-tarte optimoa identifikatzea berrikuspen bibliografiko honen helburuak dira. Metodologia: Berrikuspen bibliografikoa burutzeko, bilaketa bibliografikoa Pubmed eta Web of Science datu baseetan egin zen. Artikuluen aukeraketarako hainbat barneratze- eta kanporatze-irizpide aplikatu ziren. Emaitzak: Bilaketa bibliografikoaren emaitza bezala 12 artikulu berrikusi ziren. Extubazio goiztiarra jasan zuten pazienteek heriotza-tasa, ospitaleratze denbora eta konplikazio-tasa baxuagoa izan zuten. Gainera, onura hauek extubazio-momentua ebakuntza osteko lehenengo 6 ordutan, 8 ordutan eta 12 ordutan burutzean identifikatu ziren. Ondorioak: Pazienteen extubazioa goiztiarra izateak ebakuntza osteko konplikazio orokorrak murriztu zituen. Zehazki, hobekuntza nabarienak, extubazioa ebakuntza osteko lehenengo 6 ordutan jasandako pazienteetan ikusi ziren. Hala ere, pazienteen egoera perioperatorioak ebakuntza osteko jasoeretan eragin zuzena dutenez, hauek kontutan izan beharreko irizpide bezala azpimarratzen dira. Keywords: cardiac surgery, early extubation, airway extubation.

[EU] Suizidio tasek gora egiten dute adinak aurrera egin ahala, izan ere, 65 urteko edo gehiagoko pertsonen hilkortasunaren 3. faktore nagusiena bihurtu da. Pubmed datu baseaz baliatuz, hainbat arrisku faktore aurkitu ziren adineko pertsonek buruaz beste egiteko: aurrekari psikiatrikoak, autonomia eta independentziaren gutxitzea, insomnioa, kontrol kognitibo pobrea, sexua, adina, hezkuntza maila baxua, egoera zibila, bakarrik bizitzea eta horrekin batera, bakardadea. Prebentzio foku moduan konexio sozialak sustatzea, psikoterapia, ariketa fisikoa bestelako lanekin konbinatuta, Lehen Mailako Arretan laguntza bilatzea eta profesionalak hezituak izatea azpimarratu ziren.