Search

Gida 60 akademikoen elkar-kolaborazioaren bitartez sortuta dago. Honek irakasleei eta ikertzaileei beren jardueretan genero-ikuspegia txertatzen laguntzeko tresna izatea du helburu. Zehazki, genero ikuspegia txertatzeko tresna honek hiru esparru zabalak lantzen ditu: ikerketa, irakaskuntza eta amaierako glosario bat. Gidak aitortzen du irakaskuntzak eta ikerketak lotura estua dutela, eta bi eremu horiek modu paraleloan aurkezten ditu.

The analysis focuses on those varieties of Basque that admit the participial dependent to occur either before or after the modal verb. It is shown that in these varieties, the syntactic position of the participial dependent correlates with differences in its internal structure: whereas participial dependents can correspond to TPs when they are located to the right of the modal verb in Basque (a typically SOV language), they cannot correspond to anything more complex than a small v structure when they surface to the left of the modal verb. Our analysis of the internal structure of participial dependents also extends to issues concerning the basic word order of Basque. It is claimed that the analysis presented here requires the auxiliary to be generated to the left of the verb phrase, as the antisymmetry hypothesis would posit.

60 p. -- Bibliogr.: p. 42-43 Euskaraz zenbatzaile zehaztuei -na atzizkia erantsiz sortzen dira banatzaile edo distributiboak deritzogun zenbatzaileak (Alberdi et al. 2018). Banakariak ez dira hizkuntza guztietan agertzen eta horretaz gain, gramatika baldintza batzuk bete behar dituzte. Hori dela eta, ikuspuntu linguistikotik ikergai bereziki interesgarria da. Lan honen helburua bikoitza da. Alde batetik, gaztelera eta euskara erkatu eta euskal banatzaileen zilegitze baldintzak aurkeztuko ditugu. Beste aldetik, euskaraz zenbatzaile banakariak badaude ere, beraien erabilera gero eta txikiagoa da. Lan honen bigarren helburua, beraz, zenbatzaile banakarien gaur egungo erabilera aztertzea da. Horretarako, Iker laborategian garatutako Norantz proiektuaz baliatuko gara, eta proiektu honen bidez banakariei buruz bildutako datuak aztertuko ditugu, Iparraldeko euskaran zenbatzaile hauen erabileraren nondik norakoak aztertzeko asmoz. Irudi orokorragoa osatzeko asmoarekin, nire kabuz Hegoaldeko Arrasate eta Aretxabaleta (Gipuzkoa) herrietan bildutako datuak ere aztertuko ditugu. Izan ere, lagina txikia bada ere, abiapuntu bat eskaintzen digu Iparraldeko eta Hegoaldeko euskaran egon daitezkeen aldeak aztertzeko. Lanean zehar aztertuko diren egiturak ezberdinak direnez, ikerketa honek aukera ematen du egiturazko baldintzek erabileran izan ditzaketen eragina ere aztertzeko. Horretarako, lan hau bi atal nagusitan banatu dugu. Lehenengo atalean, banakariak zer diren eta nola sortzen diren azalduko dugu eta hauen propietateak zeintzuk diren zehaztuko dugu. Honekin batera, banakariak agertzen dituen eta euskararen auzo-hizkuntza den hizkuntza batekin konparaketa laburra egin dugu, zehazki euskal banakariak gaztelerazko sendos banakariarekin erkatuko ditugu. Izan ere, hizkuntza hauek ezaugarri linguistiko ezberdinak izan arren, euskaraz banakarien zilegitze baldintzak zeintzuk diren 1 Eskerrak eman nahi nizkioke lan honetan tutore gisa izan dudan Myriam Uribe-Etxebarriari. Batetik, gai erakargarri hau proposatzeagatik eta, bestetik, lana aurrera eramateko lagundu didan guztiagatik. 2 argitzen lagundu digu gaztelaniaz banakariek nola funtzionatzen duten aztertzeak, euskararen kasuan banakariei buruz egin diren lan gehienak oso deskriptiboak izan baitira. Lanaren bigarren atalean, ekarpen txiki bat egin nahi izan dugu ikerketaren ikuspuntutik. Horretarako, oraindik aztertu gabe dauden Norantz proiektuak bildutako banakarien datuetan oinarrituz, ikerketa txiki bat aurkeztuko dugu gaur egun Iparraldeko hiztunek banakariak nola eta zenbat erabiltzen dituzten aztertzeko asmoz. Horrez gain, Iparraldeko egoera eta Hegoaldeko egoera alderatu nahi izan ditugu. Horrela, Norantz proiektuak eskaintzen dizkigun Iparraldeko hiztunen eta Hegoaldeko hiztunen datuak estatistikoki aztertu ditugu, Euskal Herrian banakarien erabileran joera berdina ageri den eta banakarien erabilera antzekoa den ikusteko asmoz.

65 p.: il. Aizkorriko mendikateak eta Urbiako zelaiek eremu karstiko bat osatzen dute. 1000 metrotik gorako toki baztertua izan arren, Araba eta Gipuzkoa nahiz Espainia eta Frantzia arteko erlazioak eta trukeak suspertzea eta ekonomia aberastea lortu du historian zehar. Hain berezia eta garrantzitsua izanik Euskal Herriko natura-kultura erlazioan, lan honen helburua Aizkorriko paisaiaren jatorria eta gaur egun arte pairatutako eboluzioa azaltzea izan da. Historia geologikoaren bitartez, material bakoitzaren kokapenaren zergatia aztertu da. Tektonikak eragindako indarren bitartez, Aizkorriko erliebearen erliebea. Azkenik, gaur egungo faktoreen eragina aztertu da Aizkorriko paisaian: klimak, grabitateak, urak (gainazalekoak zein lurpekoak), landaretzak, giza-jarduerek... izugarri baldintzatzen dute Aizkorrin sortzen diren forma berriak. Adibide batzuk metakin kolubialak, sistema flubialak, karstak sortutako forma exokarstiko eta endokarstikoak, Urbiako zelaien kokapenaren zergatia, artzaintza jarduerak... dira, hurrenez hurren. Azkenik, hipotesi posibleak dituzten galdera batzuk sorrarazi dira: San Adrianeko tunela Urbiako isurbidea delarena, adibidez, edo Urbiako karstifikazio prozesua zelaien ordez pagadiak zeudenean bortitzagoa zelarena. Beste bat ordea, erantzunik gabe geratu da: kareharri berak Aizkorriko paisaian dituen erliebe ezberdintasunen zergatia.