Search

Este documento pretende divulgar os contidos da I Xornada Internacional “Sexismo no contexto físico-deportivo e experiencias para o cambio”, que tivo lugar, en formato en liña, os días 8 e 9 de outubro de 2021, organizada pola Universidade da Coruña e coa subvención do Instituto das Mulleres. Ademais, contouse coa colaboración de diferentes entidades e asociacións de mulleres que participaron na Xornada, así como co Colexio Profesional de Licenciadas e Licenciados en Educación Física de Galicia (COLEF Galicia), que colabora na súa divulgación. O obxectivo principal do encontro foi crear un espazo de intercambio e xerador de ideas para difundir a necesidade da coeducación como ferramentas para traballar na (e para) a igualdade de xénero no contexto físico-deportivo. Para iso, leváronse a cabo conferencias, unha mesa redonda, houbo tres espazos onde compartir experiencias para o cambio e, por último, desenvolvéronse catro obradoiros para a creación de recursos e estratexias para a igualdade no deporte. A través desta publicación poderase acceder ao contido gravado ao longo da Xornada, así como aos resumos dos temas tratados nos talleres. A primeira conferencia leva o título “Relacións de xénero en educación secundaria. Estratexias a través da actividade físico-deportiva, para promover interaccións de equidade libres de violencia e intimidación”, coincidindo co título do proxecto I+D+i ao que se vincula esta xornada e que foi subvencionado polo Programa Estatal de I+D+i orientado aos Retos da Sociedade. Dende o comité organizador da Xornada, esperamos que o presente documento sirva para promover a necesidade de seguir traballando pola igualdade, alén de aproximar e difundir investigacións, ideas, reflexións e experiencias para transformar, entre todas e todos, a realidade que se vive nos diferentes espazos relacionados co contexto físico-deportivo.

Actas del V Congreso Internacional de Jóvenes Investigadorxs con perspectiva de género (Getafe, 3 - 5 de junio de 2020) organizado por el Instituto Universitario de Estudios de Género de la Universidad Carlos III de Madrid.

Actas del IV Congreso Internacional de Jóvenes Investigadorxs con perspectiva de género (Getafe, 24 - 26 de junio de 2019) organizado por el Instituto Universitario de Estudios de Género de la Universidad Carlos III de Madrid.