Search

[EU] Modaren sektorea herrialde askotako ekonomiaren zutabe garrantzitsu bat da. Hala ere, gehien kontaminatzen duen eta erantzukizun sozialak alde batera uzten dituen sektoreetako bat ere bada. Ikerlan honetan, kontsumitzaileek modako produktu bat erostean kontuan hartzen dituzten faktoreak aztertu dugu. Horrez gain, aukeratutako zenbait marken irudi eta posizionamendua aztertu ditugu, dimentsio soziala eta ingurumen dimentsioa kontuan izanda. Zehazki, 18 eta 65 urte arteko Bizkaiko emakumeei galdetu diegu, eta erosketa prozesuan faktorerik garrantzitsuena erosotasuna dela adierazi dute. Moda marken gizarte eta ingurumen erantzukizunaren dimentsioei dagokienez, esan dezakegu hautematerik hoberenak Loreak Mendian eta Skunkfunk markek dituztela.

Influencer marketina etengabe aldatzen ari den fenomenoa da. Influencer-ek, bezeroen erosketa portaeran eragina dutela eta kontsumitzaileen markarekiko jarrera aldatu dezaketela konturatu dira enpresek, eta horregaitik, beraien komunikazio estrategietan barneratu dituzte haien bezeroetara iristeko. Lan honetan, marketin mota honek behar dituen komunikazio-estrategiak eta bilakaera garatzen dira, Maria Pombo influencer ezagunaren kasuan aplikatuz, batez ere Instagram sare sozialean zentratuz. Horretaz gain, elkarrizketa pertsonal baten bidez, mikroinfluencer batek marketinaren teknika berri horiei buruz duen ikuspegia aztertzen da ere.