Algunhas notas sobre a Gramática elemental del gallego común

Ricardo Carvalho Calero publicou a súa "Gramática elemental del gallego común" na editorial Galaxia no ano 1966. Esta obra, que constituíu un fito na historia da nosa lingüística, foi analizada xa desde diferentes perspectivas. Nesta contribución, eu voume centrar no contexto de creación da obra máis ca na análise da obra en si, pois xulgo que entender o contexto permitirá entender e valorar ponderadamente o traballo como gramático de don Ricardo.